Sju artistar klare for Bøgrend Autofest

23. februar 2012

Blåmann Blåmann, Shining, Amund Maarud, Sandra Kolstad, Mari Kvien Brunvoll, Death By Unga Bunga og Koppen står på scenen i Bøgrend i sumar!

Bøgrend Autofest vart arrangert for fyrste gong i 2010, og i fjor tok artistar som Stein Torleif Bjella, Jonas Alaska, Captain Credible, Gammalgrass og Stian Westerhus turen til Bøgrend. No kjem det nytt besøk til bygda.

- Me skal gje folk musikk dei ikkje veit dei likar, og programmerar festivalen etter det. For oss er det viktig å skape kontrastar i programmet, slik at publikum får seg nokre reale overraskingar i løpet av festivalen, seier festivalsjef Eivind Kaasin.

Spesielt i år er konserten med folkemusikkgruppa Blåmann Blåmann med Odd Nordstoga i spissen. 10 år etter dei la prosjektet på hylla held gruppa ein eksklusiv konsert i verkstadhallen.

- Blåmann Blåmann har vore ein viktig døropner på den norske folkemusikkscena. I år lot det seg endeleg gjere å få til ein konsert, og me er veldig stolte av å kunne presentere denne gjengen på autofesten.

I tillegg til Blåmann Blåmann inntek metalbandet Shining, bluesartisten Amund Maarud, jazzsangeren Mari Kvien Brunvoll, popartisten Sandra Kolstad, rockebandet Death By Unga Bunga og hiphop-gruppa Koppen verkstedhallen i Bøgrend i sumar.

- Dette er berre byrjinga, og me har fleire artistar igjen før me er i mål med programmet. Men me har ein makskapsistet på 400 publikummarar kvar kveld, så det vert rift om plassane, avsluttar Kaasin.

I tillegg til konsertar vert det bingoshow med Bingokongen Ronny Haugland, som til vanleg held bingo på utestaden Blå i Oslo.

Årets festival vert arrangert 2. – 4. august, og billettsalet er allereie i gang. Førebels er det kun lagt ut 150 festivalpass for sal.